کنگ آف کامیڈی عمر شریف کے امریکی ویزے کے لئے دستاویزات جمع کروادیئے گئے ہیں۔
عمر شریف کے بیٹے جواد عمر نے کہا کہ بیمار والد کو امریکا لے جانے سے متعلق امریکی ویزا کے حصول کے لئے دستاویزات جمع کروادیئے ہیں۔
بیٹے نے بتایا کہ عمر شریف کے ساتھ ان کی اہلیہ زریں غزل اور وہ خود بھی امریکا جائیں گے۔
جواد عمر کا کہنا تھا کہ ویزے کب موصول ہوں گے اس حوالے سے ٹائم فریم نہیں دے سکتے۔
دوسری جانب سندھ حکومت کے ترجمان اور ایڈمنسٹریٹر کراچی بیرسٹر مرتضیٰ وہاب نے بتایا ہے کہ عمر شریف کے بیرون ملک جانے کے سفری دستاویزات مکمل ہونے کے 48 گھنٹوں کے اندر ایئرایمبولینس کراچی پہنچ جائے گی۔
مرتضیٰ وہاب کا کہنا تھا کہ عمر شریف کے علاج کے لئے حکومت سندھ نے فنڈز جاری کردیے ہیں۔
مرتضیٰ وہاب نے بتایا کہ عمر شریف کے اہل خانہ کے ویزے کا مسئلہ بھی جلد حل ہوجائے گا۔
ترجمان سندھ حکومت نے کہا کہ عمر شریف ہمارے عظیم فنکار ہیں، ان کے علاج کے لئے سنجیدہ اقدامات کیے جارہے ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News