افغان کرکٹر راشد خان نے بھارت کے معروف رئیلیٹی شو بگ باس کے سیزن 13 کی معروف کنٹسٹنٹ شہناز گِل کی پوسٹ پر دُعائیہ پیغام جاری کیا ہے۔

گزشتہ روز شہناز گِل نے اپنے بوائے فرینڈ سدھارتھ شکلا کو خراجِ عقیدت پیش کرنے کے لئے اپنی آواز میں اُن کے لئے ایک گانا ریلیز کیا ہے جس کا عنوان ہے تُو یہیں ہے۔

اس گانے میں شہناز گِل اور سدھارتھ شکلاء کی چند حسین یادوں کو بڑی خوبصورتی سے دِکھایا گیا ہے۔

شہناز نے اپنے انسٹاگرام اکاؤنٹ پر اس گانے کا کلپ شیئر کیا ہے جس پر شوبز ستاروں اور مداحوں کی جانب سے شہناز گِل کے لئے حوصلے بھرے پیغامات جاری کیے گئے۔

اداکارہ کی اس پوسٹ پر افغان کرکٹر راشد خان نے بھی کمنٹ کرتے ہوئے لکھا کہ اللّہ تعالیٰ، آپ کو ہمت دے۔

واضح رہے کہ گزشتہ ماہ 2 ستمبر کو دل کا دورہ پڑنے کی وجہ سے بھارتی اداکار سدھارتھ شکلا دُنیا سے رخصت ہوگئے تھے جس کے بعد سے اُن کی گرل فرینڈ شہناز گِل شدید صدمے میں تھیں۔