سلمان خان اور کترینہ کیف کی شادی کی ویڈیو وائرل

Kamran Sarwar

27th Nov, 2021. 03:41 pm
سلمان خان

بالی ووڈ کی باربی ڈول کترینہ کیف کی سلمان خان سے شادی کی ویڈیو وائرل ہوگئی۔

بالی ووڈ میں آج کل اداکارہ کترینہ کیف کی شادی کے چرچے ہیں اور خبریں ہیں کہ وہ اداکار وکی کوشل کے ساتھ اگلے ماہ شادی کے بندھن میں بندھ جائیں گے جب کہ اس حوالے سے انہوں نے شادی کی تاریخ بھی فائنل کرلی ہے لیکن سوشل میڈیا پر کترینہ کیف کی سلمان خان کے ساتھ شادی کی ویڈیو وائرل ہوگئی۔

فوٹو شیئرنگ ایپ انسٹاگرام پر بالی ووڈ کے سلطان سلمان خان اور ادکارہ کترینہ کیف کی ایک ویڈیو وائرل ہورہی ہے جس میں دونوں ایک دوسرے کو ورمالا پہناتے ہوئے بہت خوش دکھائی دے رہے ہیں اور ساتھ موجود لوگ تالیاں اور سیٹیاں بجاکر خوشی کا اظہار کررہے ہیں۔

مزید پڑھئے؛   کترینہ کیف اور وکی کوشل کی شادی نہیں ہورہی 

درحقیقت سوشل میڈیا پر وائرل ہونے والی ویڈیو سلمان خان کی فلم ’بھارت‘ کی ہے جس میں سلمان خان اور کترینہ کیف شادی کرتے ہیں  لیکن حقیقت میں سلمان خان آج بھی کنوارے ہی ہیں تاہم دبنگ اداکار کے مداح ان کی اس ویڈیو پر دلچسپ کمنٹ کررہے ہیں۔

بھارتی میڈیا رپورٹس کے مطابق طے شدہ پروگرامز کے مطابق اداکارہ کترینہ کیف اور وکی کوشل پہلے کورٹ میرج کریں گے جس کے بعد بھارتی ریاست راجھستان کے ایک مشہور ہوٹل میں ان کا ولیمہ ہوگا جس میں محدود افراد کو ہی مدعو کیا جائے گا جن میں شوبز انڈسٹری کی مشہور شخصیات، دلہا دلہن کے قریبی دوست اور رشتہ دار شامل ہوں گے۔

اس سے قبل اداکار وکی کوشل کی بہن نے ایک انٹریو میں انکشاف کیا تھا کہ اداکارہ کترینہ کیف اور وکی کوشل کی شادی نہیں ہورہی اور اگر ان کا شادی کرنے کا ارادہ ہوا تو وہ سب کو خود ہی بتائیں گے ، میڈیا افواہیں پھیلانے سے گریز کرے۔

دوسری جانب سلمان خان کے والد سلیم خان نے بھی ایک بیان میں کترینہ کیف اور وکی کوشل کی شادی کی خبریں کو افواہ قرار دیا تھا۔

واضح رہے سلمان خان اور کترینہ کیف ان دنوں ٹائیگر 3 کی شوٹنگ میں مصروف ہیں جو روس میں کی جارہی ہے تاہم بھارتی میڈیا نے دعویٰ کیا ہے کہ کترینہ کیف نے اپنی شادی کی وجہ سے شوٹںگ سے بریک لیا ہے۔

 

View this post on Instagram

 

A post shared by Pinkvilla (@pinkvilla)

Square Adsence 300X250