بالی ووڈ اداکار نوازالدین صدیقی نے اپنی نئی فلم ٹیکو ویڈز شیرو کی پہلی جھلک جاری کردی۔

 نوازالدین صدیقی نے فوٹو اینڈ ویڈیو شیئرنگ ایپ انسٹاگرام پر اپنی نئی فلم ٹیکو ویڈز شیرو کا پوسٹر شیئر کردیا۔

انہوں نے یہ پوسٹر شیئر کرتے ہوئے کیپشن میں لکھا کہ  وہ آرہے ہیں، اور یہ حقیقت ہے۔

واضح رہے کہ فلم ٹیکو ویڈز شیرو اداکارہ کنگنا رناوت کے کیرئیر کا بطور پروڈیوسر پہلا پراجیکٹ ہے جس میں اداکار نوازالدین صدیقی کے ساتھ نوجوان اداکارہ اونیت کور مرکزی کردار ادا کرتی نظر آئیں گی ،اس فلم کی شوٹنگ ابھی جاری ہے جس کے بعد جلد اداکار کے مداح انہیں دوبارہ بڑے پردے پر دیکھ سکیں گے۔

یاد رہے کہ یہ فلم ڈیجیٹل سبسکرپشن پر مبنی اسٹریمنگ کمپنی ایمیزون پرائم پر ریلیز کی جائے گی۔