پاکستان کی معروف ٹک ٹاک اسٹار و میزبان کنول آفتاب نے اپنی شادی سے متعلق بڑا راز بتادیا۔

کنول آفتاب اور ذوالقرنین کی ایک ویڈیو سوشل میڈیا پر خوب وائرل ہوگئی ہے۔

وائرل ویڈیو میں اس جوڑی سے شادی سے متعلق سوال کیا گیا جس کا جواب دیتے ہوئے کنول آفتاب نے کہا کہ کافی زیادہ لوگ پوچھ رہے ہیں کہ ہماری شادی ہوئی ہے کہ نہیں تو میں بتادوں کہ ہم لوگوں کا نکاح ہوچکا ہے۔

انہوں نے کہا کہ شادی کا مین حصہ ہوچکا ہے شادی جلدی ہونے والی ہے جلدی، جلدی، بہت جلدی ہوگی۔

ذوالقرنین حیدر نے بھی تصدیق کرتے ہوئے کہا کہ ہاں شادی کا جو باقی حصہ ہے وہ آنے والے سال میں ہوگا۔

واضح رہے کہ کنول آفتاب نے رواں سال جون میں ٹک ٹاک اسٹار ذوالقرنین حیدر سے نکاح کیا تھا جبکہ رخصتی ابھی نہیں ہوئی۔

کنول آفتاب اور ذوالقرنین کے نکاح کی تقریب سبزہ زار میں منعقد ہوئی تھی، تقریب میں دونوں کے قریبی رشتہ داروں اور دوستوں نے شرکت کی تھی۔