بھارتی اداکارہ اتھیا شیٹی نے باڈی شیمنگ کے حوالے سے اہم مشورہ دے دیا۔

بھارتی میڈیا کو انٹرویو دیتے ہوئے اداکارہ نے بتایا کہ انہیں اپنے لڑکپن میں باڈی شیمنگ اور ٹرولنگ کا سامنا کرنا پڑا جس کی وجہ سے وہ اپنی جسامت کے حوالے سے پُراعتماد محسوس نہیں کرتی تھیں۔

اداکارہ نے بتایا کہ میں اب بھی اپنی جسامت کے حوالے سے بہت محتاط ہوں لیکن اب میں بہت بہتر ہوں کیونکہ مجھے آج خود پر اعتماد ہے۔

انہوں نے بتایا کہ میں ہمیشہ سے یہ سمجھتی ہوں کہ کسی کے وزن، ظاہری شخصیت یا کسی بھی ایسی چیز پر تبصرہ کرنا غلط ہے اس طرح ان کے اعتماد میں کمی آ سکتی ہے۔

اتھیا شیٹی نے کہا کہ میرا ہمیشہ سے یہ خیال ہے کہ اگر آپ کے پاس کچھ اچھا کہنے کو نہیں ہے تو کچھ بھی مت کہیں ،ہمارے الفاظ سے لوگوں اور ان کی روزمرہ کی زندگی پر بہت اثر پڑتا ہے۔

اداکارہ نے کہا کہ لوگوں کو یہ سمجھنے کی بہت ضرورت ہے کہ باڈی شیمنگ کا تعلق صرف زیادہ وزن سے ہی نہیں بلکہ دبلی پتلی جسامت کے حامل افراد کو بھی اس کا سامنا کرنا پڑتا ہے۔

اتھیا شیٹی نے لوگوں پر زور دیا کہ اپنی خامیوں کو قبول کریں جو کہ افسوسناک بھی ہے اور خوفناک بھی لیکن میں اب تبدیلی دیکھ رہی ہوں۔

انہوں نے کہا کہ میگزین کورز نے بھی ایسے کورز بنائے ہیں جو اصل ہیں جنہوں نے مرد و خواتین کو یہ سمجھنے میں مدد دی ہے کہ اصل بھی خوبصورت ہے۔

واضح رہے کہ اداکارہ اتھیا شیٹی اداکار سنیل شیٹی اور فیشن ڈیزائنر منا شیٹی کی بیٹی ہیں۔