اداکارہ کترینہ کیف کی شادی میں شرکت پر مہمانوں پر لگائی جانے والی پابندیوں کی نئی فہرست سوشل میڈیا پر وائرل ہوگئی۔

بھارتی میڈیا پر ان دنوں بالی ووڈ اداکارہ کترینہ کیف کی اداکار وکی کوشل سے شادی کے چرچے ہیں اور اس حوالے سے تقریباً روز ہی نئی افواہ سامنے آجاتی ہے، پہلے تو ان کی شادی کی خبروں کو بھی جھوٹ قرار دے دیا گیا تھا تاہم اب تمام افواہیں اب حقیقت میں بدلتی دکھائی دے رہی ہیں۔

رپورٹس کے مطابق کترینہ کیف اور وکی کوشل بھارتی ریاست راجھستان کے ضلع سوائی مادھوپور میں واقع ’’سکس سینس فورٹ بروارا‘‘ میں 9 دسمبر کو رشتہ ازدواج میں منسلک ہوجائیں گے اور ان کی شادی کے تمام تر انتظامات مکمل ہوچکے ہیں جب کہ آج رات سنگیت اور کل ہلدی کی تقریب رکھی گئی ہے۔

اداکارہ کترینہ کیف اور وکی کوشل کی شادی 9 دسمبر کو ’رجواڑا‘ انداز میں کی جائے گی جب کہ تقریباً سہ پہر 3 بجے بالی ووڈ جوڑی پھیرے لے گی اور رات میں ڈنر کے بعد پارٹی کا بھی انتظام کیا گیا ہے۔

سوشل میڈیا پر ایک ہدایت نامہ وائرل ہورہا ہے جس سے متعلق یہ کہا جارہا ہے کہ یہ کترینہ کیف اور وکی کوشل نے شادی میں آنے والے مہمانوں کے لیے چھپوایا ہے جس میں مہمانوں کا استقبال کیا گیا ہے اور انہیں موبائل فون کمروں میں ہی لاک کرنے کی ہدایت دی گئی ہے اور کسی قسم کی تصویر نہ کھینچنے کا بھی کہا گیا ہے۔

 

Advertisement

Advertisement

View this post on Instagram

Advertisement

Advertisement

Advertisement

Advertisement

 

A post shared by Viral Bhayani (@viralbhayani)

چند روز قبل یہ خبر بھی سامنے آئی تھی کہ مہمانوں کے لیے پورا ہوٹل بک کیا گیا ہے اور شادی میں مخصوص مہمانوں کو ہی مدعو کیا جائے گا لیکن ان کا داخلہ ایک کے ذریعے ہوگا اور کسی کو بھی تصویر کھینچنے کی اجازت نہیں ہوگی ، یہاں تک کہ ہوٹل کے اطراف میں دکھائی دینے والے ڈرون کیمرے کو شوٹ کردیا جائے گا۔