پاکستان کی معروف اداکارہ سارہ خان نے اپنے شوہر اور معروف گلوکار فلک شبیر کو خوبصورت انداز میں سالگرہ کی مبارکباد دے دی۔

سارہ خان نے فوٹو اینڈ ویڈیو شئیرنگ ایپ انسٹا گرام پر فلک شبیر کے ساتھ اپنی شادی سے لی گئی ایک تصویر شیئر کی۔

شئیر کی گئی تصویر میں دونوں اداکار بے حد خوبصورت لگ رہے ہیں۔

سارہ خان نے اس تصویر کو شئیر کرتے ہوئے کیپشن میں لکھا کہ سالگر ہ مبارک ہو میرے فلک۔

اداکارہ نے لکھا کہ اگر وہ اللّٰہ کا سب نعمتوں کے لئے شکر ادا کریں تو وہ سب سے زیادہ  فلک شبیر جیسا شوہر ملنے پر اللّٰہ کی شکر گزار ہوں گی۔

دوسری جانب سارہ نے اپنی انسٹا اسٹوری پر ایک ویڈیو بھی شیئر کی ہے ۔

یاد رہے کہ گلوکار فلک شبیر آج اپنی 36 ویں سالگرہ منا رہے ہیں۔

اس سے قبل فلک شبیر کی بیٹی کے ہمراہ ویڈیو سوشل میڈیا پر وائرل ہو گئی تھی۔

سارہ خان کی جانب سے انسٹاگرام پر پوسٹ کی جانے والی ویڈیو میں گلوکار فلک اپنی بیٹی علیانہ کو گود میں لئے ہوئے تھے۔

اس ویڈیو کو دونوں اداکاروں کے مداحوں کی جانب سے بہت پسند کیا گیا تھا۔

واضح رہے کہ یہ جوڑی گزشتہ برس شادی کے بندھن میں بندھی تھی اور ان کا شمار پاکستان شوبز انڈسٹری کی خوبصورت جوڑیوں میں ہوتا ہے۔

اس جوڑی کے ہاں گزشتہ ماہ بیٹی کی پیدائش ہوئی تھی جس کا نام انہوں نے عالیانہ رکھا تھا۔