بالی ووڈ کے دبنگ ہیرو سلمان خان کی جانب سے ان کے مداحوں کے لئے ایک بڑے تحفے کا اعلان کیا گیا ہے۔

اداکار سلمان خان نے اپنے انسٹاگرام اکاؤنٹ پر اپنے نئے گانے ’ڈانس وڈ می‘ کا ٹیزر جاری کیا ہے۔

اداکار سلمان خان کا یہ گانا انہوں نے اپنی آواز میں ریکارڈ کیا ہے جبکہ وہ اس گانے میں ڈانس کرتے ہوئے بھی نظر آئیں گے۔

ڈانس ود می، سلمان خان نے گایا ہے جبکہ اس کی کمپوزیشن ان کے قریبی دوست ساجد واجد نے کی ہے ۔

گانے کے ٹیزر میں اداکار سلمان خان کو ایک منفرد اسٹائل میں دیکھا جاسکتا ہے جو کہ گانے میں ناچتے اور گاتے ہوئے نظر  آرہے ہیں۔

Dance with me Hum sung nachle…#DanceWithMeTeaser@SajidMusicKhan @adityadevmusic #KaranRawat @SKFilmsOfficial pic.twitter.com/ZCTuTsF1vJ

— Salman Khan (@BeingSalmanKhan) January 28, 2022

خیال رہے کہ گانے کا ٹیزر جاری ہوتے ہی اسے اب تک ہزاروں صارفین دیکھ چکے ہیں اور اس گانے کے حوالے سے اپنی پسندیدگی کا بھی اظہار کیا ہے۔

واضح رہے کہ اس سے پہلے بھی گزشتہ ہفتے اداکار سلمان خان کا ایک گانا ریلیز ہوا تھا  جسے شائقین کی جانب سے بہت پسند کیا گیا تھا۔