پاکستان کے نامور اداکار اسد صدیقی نے اپنی اہلیہ و اداکارہ زارا نور عباس کے لئے محبت بھرا پیغام جاری کیا ہے۔

اداکار اسد صدیقی نے فوٹو اینڈ ویڈیو شئیرنگ ایپ انسٹاگرام اسٹوری پر ایک پوسٹ شئیر کی ہے۔

اس پوسٹ کو شئیر کرتے ہوئے انہوں نے لکھا کہ ایک معاون ساتھی کا ہونا لفظی طور پر آپ کی زندگی بدل سکتا ہے۔

اداکارہ زارا نور نے اس پوسٹ کو اپنی انسٹا اسٹوری پر بھی شئیر کیا اور لکھا میری دنیا۔

گزشتہ دنوں اسد صدیقی نے عورتوں کے حقوق اور ان کے تحفظ سے متعلق ایک واضح پیغام جاری کیا تھا۔

 اداکار نے اپنے پیغام میں بتایا تھا کہ ہمارے معاشرے میں عورت کو ہر جگہ ہراساں کیا جاتا ہے جس کا مطلب یہ ہے کہ وہ کہیں بھی مخفوظ نہیں ہے۔

اسد صدیقی کا کہنا تھا کہ ایک عورت صرف دفتر میں نہیں بلکہ عام جگہوں پر بھی ہراسگی کا شکار ہوتی ہیں۔

اسد صدیقی کا کہنا تھا کہ  ہمارے معاشرے میں ایک عورت کو ہی اس کی ہراسگی کا سبب مانا جاتا ہے جس کی وجہ سے وہ ذہنی اذیت اور پریشانی میں مبتلا ہوجاتی ہیں۔

اسد صدیقی نے اپنے پیغام میں گزارش کرتے ہوئے کہا تھا کہ ہمیں خود کو صحیح اور بہتر انسان بنانے کی ضرورت ہے تاکہ ہم اپنی عورتوں کو ایک بہتر معاشرہ فراہم کرسکیں۔