پاکستان شوبز انڈسٹری کے نامور کامیڈین اداکار یاسر حسین معروف اداکارہ اور اہلیہ اقراء عزیز سے دوسری شادی کی اجازت لینے لگے۔
حال ہی میں اداکار نے نجی ٹی وی چینل کے ایک شو میں شرکت کی۔
میزبان نے یاسر سے سوال کیا کہ اقراء اگر انہیں تین شادیوں کی اجازت دے تو وہ کن خواتین سے شادی کریں گے؟
جس کے جواب میں انہوں نے کہا کہ اقراء کبھی اجازت نہیں دے گی کیونکہ میں نے ایک دو بار دوسری شادی کی بات کی تو اُس نے صاف انکار کردیا۔
اداکار نے کہا کہ اگر اقراء اجازت دے بھی دیتی ہے تو مجھے آج تک ایک ہی شادی کے لئے موزوں خاتون ملی جس سے میں نے شادی کرلی۔
واضح رہے کہ دسمبر 2019 میں رشتۂ ازدواج میں منسلک ہونے والے اقرا عزیز اور یاسر حسین کے ہاں گزشتہ برس 23 جولائی کو بیٹے کی پیدائش ہوئی تھی جس کا نام اس جوڑے نے کبیر حسین رکھا ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News