ہالی ووڈ فلم اسپائیڈر مین: نو وے ہوم نے نئی تاریخ رقم کردی ہے۔
فلم اسپائیڈر مین: نو وے ہوم اس ہفتے کے اختتام پر دنیا بھر میں باکس آفس پر 1.69 بلین ڈالر کی آمد کے ساتھ تاریخ کی سب سے زیادہ کمائی کرنے والی فلم بن گئی ہے۔
فلم ریلیز کے چھٹے ہفتے کے اختتام پر شمالی امریکہ میں 14.1 ملین ڈالر کی آمدن کے ساتھ پہلے نمبر پر رہی۔
اس فلم نے چھٹے ہفتے میں ڈومیسٹک سنیما پر اب تک 721 ملین ڈالر اور بین الاقوامی سطح پر970.1 ملین ڈالر کمائے ہیں۔
اسپائیڈر نے فلم جراسک ورلڈ جس نے باکس آفس پر 1.67 بلین ڈالر اور فلم دی لائن کنگ جس نے 1.66 بلین ڈالر کمائے دونوں کو پیچھے چھوڑ دیا ہے۔
اسپائیڈر مین نے یہ ریکارڈ چین میں ریلیز ہوئے بغیر ہی توڑ دیا ہے جو کہ فلموں کے لئے دنیا کی سب سے بڑی مارکیٹ ہے۔
واضح رہے کہ اس فلم نے برطانیہ میں جہاں فلم کے مرکزی کردار ٹام ہالینڈ پیدا ہوئے اب تک 116 ملین ڈالرز مزید کمائے ہیں جبکہ دوسرے نمبر پر فلم کی سب سے زیادہ کمائی والے ملکوں میں 73.4 ملین ڈالر کے ساتھ میکسیکو، 60.6 ملین ڈالر کے ساتھ جنوبی کوریا اور 59.9 ملین ڈالر کے ساتھ فرانس شامل ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News