پاکستان کے نامور گلوکار و اداکار عاطف اسلم پاکستان کے سینئر کھلاڑی شعیب ملک کے ریسٹورنٹ کے افتتاح کے موقع پر اچانک پہنچ گئے۔

سماجی رابطے کی ویب سائٹ ٹوئٹر پر ایک ویڈیو وائرل ہو گئی ہے۔

شئیر کی گئی ویڈیو میں دیکھا جاسکتا ہے کہ عاطف اسلم کے اچانک پہنچنے پر وہاں موجود تمام ہی کرکٹرز خوشگوار حیرت میں مبتلا ہو گئے۔

– The maestro @itsaadee surprises @realshoaibmalik & team at the opening event of #RiceBowl in Lahore…@realshoaibmalik @WahabViki@babarazam258 @waqyounis99 @RealHa55an @KamiAkmal23 @iamAhmadshahzad@shani_official @usman @ImamUlHaq12#RiceBowlZblockDHA #Cricket #Pakistan pic.twitter.com/EBEUYFYzUO

Advertisement

— Arsalan H. Shah ~ Proud Pakistani (@arsalanhshah) January 9, 2022

سب سے پہلے قومی کرکٹ ٹیم کے کپتان بابر اعظم عاطف اسلم سے ملے بعد ازاں وہاں موجود وقار یونس، کامران اکمل، حسن علی، امام الحق، احمد شہزاد اور وہاب ریاض نے عاطف اسلم سے ملاقات کی۔

ویڈیو دیکھ کر اندازہ لگایا جاسکتا ہے کہ کرکٹرز گلوکار سے مل کر خوش ہوئے اور انہیں ساتھ کھانے کی دعوت دی۔

واضح رہے کہ شعیب ملک نے لاہور کے پوش علاقے میں اپنا ریسٹورنٹ دی رائس باؤل کھولا ہے جس کی تقریب میں پاکستان کے نامور کرکٹرز نے شرکت کی ۔