لیجنڈ صوفی گلوکارہ عابدہ پروین اور معروف گلوکارہ نصیبو لال کے عاجزانہ انداز نے لوگوں کے دل جیت لیے ہیں۔

گزشتہ روز کوک اسٹوڈیو نے 14ویں سیزن کا آغاز کردیا جس میں صوفی گلوکارہ عابدہ پروین اور نصیبو لال کے کلام ’’تو جھوم‘‘ نے لوگوں پر سحر طاری کردیا۔

عابدہ پروین اور نصیبو لال کے کلام کو انٹرنیٹ پر صارفین کی جانب سے بہت پسند کیا جارہا ہے کیوں کہ ذوالفقار خان عرف زلفی نے اس کی موسیقی ایسے ترتیب دی ہے جسے سننے والے ایک الگ ہی کیفیت میں مبتلا ہوجاتے ہیں۔

سماجی رابطے کی ویب سائٹ ٹویٹر پر بھی عابدہ پروین اور نصیبو لال کا کلام ’’تو جھوم‘‘ ٹاپ ٹرینڈ پر رہا۔

سوشل میڈیا پر عابدہ پروین اور نصیبو لال کی ایک ویڈیو وائرل ہورہی ہے جس میں اسٹوڈیو میں دونوں گلوکاراؤں کی پرفارمنس سے پہلے ایک دوسرے سے عاجزانہ انداز میں ملنے کو صارفین بے حد  سرہا رہے ہیں۔

https://twitter.com/Pola_620/status/1482032475446652930?s=20