پاکستان کی معروف اداکارہ و ماڈل مہوش حیات کا نام دنیا کی 50 خوبصورت ترین خواتین میں شامل کرلیا گیا ہے۔

اداکارہ مہوش حیات نے اپنے انسٹاگرام اکاؤنٹ پر اس سے متعلق خیالات کا اظہار کرتے ہوئے ایک پوسٹ شیئر کی ہے۔

اس پوسٹ کو شیئر کرتے ہوئے اداکارہ  مہوش حیات نے لکھا ہے کہ میں ایشیا کی خوبصورت خواتین میں شامل کیے جانے پر انٹرنیشنل پلیٹ فارم کی شکر گزار ہوں۔

 انہوں نے کہا ہے کہ مجھے فخر  ہے کہ پاکستانی خواتین کو ان کے کام اور خوبصورتی کی وجہ سے دیکھا اور پسند کیا جانے لگا ہے۔

 اداکارہ نے اپنے جذبات کا اظہار کرتے ہوئے کہا ہے کہ میرا نام ان باعزت خواتین کی فہرست میں شامل کیا گیا ہے جن کو مین خود بھی بہت پسند کرتی ہوںَ

 خیال رہے کہ اداکارہ مہوش حیات کو پاکستان بھر میں بھی ان کے کام اور خوبصورتی کی وجہ سے جانا جاتا ہے۔

انہیں اپنے کام کی وجہ سے حکومت پاکستان کی جانب سے تمغہ امتیاز سے بھی نوازا گیا ہے ۔

 ان دنوں اداکارہ کسی ڈرامے میں نظر نہیں آرہی ہیں جس کی وجہ اداکارہ نے اچھی اور بہتر اسکرپٹس کی کمی بتائی ہے ۔

علاوہ ازیں اداکارہ اپنے سوشل اکاؤنٹس کی مدد سے اپنے مداحوں سے رابطے میں رہتی ہیں اور وقتاً فوقتاً اپن تصاویر  شیئر کرتی رہتی ہیں۔