بالی ووڈ اداکارہ ملائکہ اروڑا نے اپنے سابق شوہر ارباز خان سے متعلق ایک اہم انکشاف کیا ہے۔

ملائکہ اروڑا نے یہ انکشاف اپنے ایک انٹرویو کے دوران کیا۔

میزبان نے اداکارہ سے سوال کیا کہ کیا ارباز خان کے ساتھ  شادی ان کے کیریئر میں رکاوٹ تھی؟

ملائکہ اروڑا نے جواب میں کہا کہ میرے کیریئر میں شادی کی وجہ سے کبھی رکاوٹ نہیں آئی اور میں خود اس کا ثبوت ہوں۔

انہوں نے کہا کہ ارباز خان کے ساتھ شادی ٹونٹے کی بہت سی وجوہات ہیں لیکن اس کا میری پیشہ ورانہ زندگی پر کوئی اثر نہیں پڑا۔

اداکارہ نے کہا کہ پہلے کے دور میں اُن خواتین کو کام ملنا مشکل ہوتا تھا جو شادی شدہ ہوں یا جن کے بچے ہوں لیکن اب زمانہ بدل گیا ہے اب شوبز میں خواتین شادی اور بچوں کے بعد بھی کام کررہی ہیں۔

بالی ووڈ اداکارہ و ماڈل ملائکہ اروڑا نے سال 1998ء میں اداکار و فلم ساز ارباز خان سے شادی کی تھی، دونوں کے ہاں 2002 میں بیٹے ارہان خان کی پیدائش ہوئی تھی، 19 سال شادی رہنے کے بعد ان کی طلاق 2017ء میں ہوئی تھی۔

بعد ازاں ملائکہ اروڑا نے بالی ووڈ کے نوجوان اداکار ارجن کپور کے ساتھ قریبی تعلقات قائم کیے، دونوں اداکاروں کی جانب سے کئی بار کہا گیا کہ وہ بہت جلد شادی کرلیں گے۔