بول انٹرٹینمنٹ کے مقبول ترین شو ’’بچہ لوگ گیم شو‘‘ کے میزبان احمد علی بٹ نے تیسری قسط میں اہم اعلان کرکے سب کو حیرت میں مبتلا کردیا۔

پاکستان کے نمبر ون انٹرٹینمنٹ چینل ’بول انٹرٹینمنٹ‘ کی جانب سے حال ہی میں ملکی تاریخ کا بچوں کے لیے پہلا پروگرام ’’بچہ لوگ گیم شو‘‘ شروع کیا گیا ہے جس کی میزبانی نامور اداکار احمد علی بٹ کررہے ہیں اور اب تک پروگرام کی نشر ہونے والی 3 قسطیں عوام میں مقبولیت کے پچھلے تمام ریکارڈ توڑ چکی ہے۔

بول نیوز کے آفیشل یوٹیوب چینل پر نشر ہونے والے پروگرام کے پرومو میں میزبان احمد علی بٹ نے کہا کہ اب تک پروگرام کی 3 قسطیں نشر ہوچکی ہیں اور پانچویں قسط تک ہماری سب سے کمزور ٹیم کو خدا حافظ کردیا جائے گا یعنی وہ ٹیم کپتان اور بچوں سمیت ’ایلیمنیٹ‘ ہوجائے گی اور پھر اگلی قسط میں ایک نئی ٹیم جوائن کرلے گی۔

یہ بھی پڑھیں؛ احمد علی بٹ کی میزبانی میں ’’بچہ لوگ گیم شو‘‘ کی پہلی قسط نے تہلکہ مچادیا

اداکار احمد علی بٹ کسی تعارف کے محتاج نہیں اور ان کا شمار پاکستان کے ان چند فنکاروں میں ہوتا ہے جنہوں نے چھوٹی اور بڑی اسکرین کے علاوہ موسیقی کے میدان میں بھی اپنا لوہا منوایا جب کہ پروگرام کی میزبانی میں بھی ان کا کوئی ثانی نہیں۔

واضح رہے اداکار وکامیڈین احمد علی بٹ کی میزبانی میں شروع ہونے والا پروگرام ’’بچہ لوگ گیم شو‘‘ ہر ہفتے کی شام 5 بجے بول انٹرٹینمنٹ پر نشر ہوگا۔