پاکستانی اداکارہ اریبہ حبیب کی دلہن کے لباس میں تصویر سوشل میڈیا پر وائرل ہو گئی ہے۔
اریبہ حبیب نے اپنی انسٹا اسٹوری پر ایک تصویر شئیر کی ہے جس میں انہیں دلہن کے لباس میں دیکھا جاسکتا ہے۔
اداکارہ کی جانب سے شئیر کی گئی تصویر میں وہ اسکن رنگ کا لباس زیب تن کی ہوئی ہیں جبکہ اس لباس کے ساتھ لال رنگ کی جیولری کا انتخاب اداکارہ کی خوبصورتی میں مزید اضافہ کر رہا ہے۔
گزشتہ دنوں اداکارہ اریبہ حبیب نے موجودہ حکومت سے متعلق اپنے خیالات کا اظہار کیا تھا۔
رپورٹس کے مطابق اپنے ایک بیان میں اداکارہ اریبہ حبیب نے کہا تھا کہ پچھلی حکومتیں گئیں تو اپنے ساتھ پانی اور بجلی لے کر گئیں تھیں۔
انہوں نے کہا کہ موجودہ حکومت نے اقتدار میں رہتے ہوئے ہی عوام سے گیس لے لی ہے اس لئے میرا خیال ہے کہ عمران خان صاحب کو اب گھر چلے جانا چاہئیے۔
اریبہ حبیب نے انڈسٹری میں اپنے پسندیدہ اداکار کے متعلق بات کرتے ہوئے بتایا کہ انہیں فواد خان بہت پسند ہیں اور انہیں دیکھ کر اداکارہ کی دل کی ڈھڑکنیں تیز ہوجاتی ہیں۔
اپنے متعلق بات کرتے ہوئے اداکارہ نے بتایا کہ وہ کھانے پینے کی بہت شوقین ہیں جس کی وجہ سے وہ ڈائٹ نہیں کرتیں۔
علاوہ ازیں اپنے مشاغل کے متعلق بھی انہوں نے بتایا کہ انہیں جوتے جمع کرنے کا بہت شوق ہے اور مریم نواز کے جوتے انہیں بہت اچھے لگتے ہیں۔
اداکارہ کا شادی کے متعلق کہنا تھا کہ میری شادی میں بھی کم خرچہ نہیں ہوا لیکن میرا ماننا یہ ہے کہ شادی سادگی سے ہونی چاہئیے۔
انہوں نے بتایا کہ ان کے نزدیک جہیز ایک لعنت ہے اور اپنی شادی پر بھی وہ کوئی جہیز نہیں لے کر گئیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News