ڈرامہ پروڈیوسر اور ہمایوں سعید کی سالی ثناء شاہنواز نے   اداکارہ سجل علی اور احد رضا میر کی علیحدگی کی خبروں پر ردعمل دیا ہے۔

سجل علی کی جانب سے سوشل میڈیا اکاؤنٹ سے احد کا نام ہٹانے کے بعد ثناء شاہنواز نے اپنی انسٹاگرام  اسٹوری میں سجل کے لیے لکھا کہ اللہ آپ کو مستقبل میں خوشیوں اور مزید ترقی سے نوازے، آپ شاندار ہیں سجل۔

 یاد رہے کہ اداکارہ سجل علی نے سوشل میڈیا پر اپنے نام کے ساتھ لگا احد رضامیر کا نام ہٹا دیا۔

کچھ عرصے سے احد رضامیر اور سجل کے درمیان اختلافات کی خبریں منظر عام پر آرہی ہیں یہاں تک کہ سوشل میڈیا پر دونوں کی علیحدگی کی خبریں بھی وائرل ہیں لیکن ان دونوں کی جانب سے علیحدگی کی تصدیق نہیں کی گئی۔