حال ہی میں رشتۂ ازدواج میں منسلک ہونے والی پاکستانی اداکارہ مریم نفیس نے وفاقی دارالحکومت اسلام آباد کے یتیم خانے میں اپنا ولیمہ کر کے تاریخ رقم کردی ہے۔

اداکارہ نے انسٹاگرام پر بچوں کے ہمراہ کھیلتے، کھانا تقسیم کرتے تصاویر شیئر کیں ہیں۔

 

Advertisement

Advertisement

View this post on Instagram

Advertisement

Advertisement

Advertisement

Advertisement

 

A post shared by مریم نفیس (@mariyam.nafees)

Advertisement

ان تصاویر کو شئیر کرتے ہوئے انہوں نے لکھا کہ شادی کی تمام تر تقریبات میں سے سب سے بہترین تقریب ان بچوں کے ساتھ رہی ہے۔

مریم نفیس نے لکھا کہ ہماری شادی کی تقریبات کا سب سے خاص حصہ ولیمے کا تھا کیونکہ اس کا ہر لمحہ بہترین تھا۔

اداکارہ نے لکھا کہ ان بچوں کے چہروں پر خوشی، ان کے ساتھ کھانا کھانا، ان کے ساتھ وقت گزارنا، ایسی معصوم گفتگو، میٹھی دعاؤں کے ساتھ ہی ہمارا ولیمہ بہترین رہا اور ہمارا ولیمہ کرنے کا اس سے بہتر طریقہ شاید کوئی اور نہیں ہو سکتا تھا۔

انہوں نے لکھا کہ اب ہم مستقبل میں ان بچوں کی زندگیوں کو بہتر بنانے اور انہیں غیر مشروط محبت سے بھرے گھر تلاش کرنے کے لیے بھرپور کام کریں گے ،انشاء اللہ۔

مریم نفیس نے اپنی پوسٹ میں مداحوں سے دعاؤں کی درخواست بھی کی۔

گزشتہ دنوں مریم نفیس فلم میکر امان احمد کے ساتھ رشتہ ازدواج میں منسلک ہوئیں ہیں جبکہ انہوں نے مئی 2021 میں منگنی کی تھی۔