بھارتی اداکارائیں بھی پاکستان شوبز انڈسٹری کی اداکارہ صباقمر کی اداکاری کی مداح ہو گئیں۔

اداکارہ صبا قمر کا پاکستان شوبز انڈسٹری میں لیجنڈز فنکاروں میں شمار ہوتا ہے۔

ایک انٹرویو میں اداکارہ صبا قمر نے بتایا کہ سرحد پار ملک بھارت سے بھی انہیں معروف فنکاروں کی جانب سے تعریفی کالز موصول ہوتی رہتی ہیں۔

صبا قمر نے بتایا کہ جب انہوں نے بھارتی فلم ’ہندی میڈیم‘ سائن کی تھی، اُن کا اُس وقت ماننا تھا کہ یہ اُن کے کیریئر کا سب سے خراب پروجیکٹ ہونے والا ہے کیوں کہ اُن کے مدِ مقابل معروف منجھے ہوئے  اداکار عرفان خان تھے۔

صبا قمر نے کہا ہے کہ ’انہوں نے جب بھارتی فلم ’ ہندی میڈیم‘ کر لی تو انہیں بہت پزیرائی ملی، اداکار رشی کپور اور نیتو سنگھ کی جانب سے بھی انہیں سراہا گیا تھا۔‘

اداکارہ نے مزید بتایا کہ ’بھارتی اداکارہ نیتو سنگھ اُن کا ہر شو، ہر ڈرامہ دیکھتی ہیں،

اس کے علاوہ اداکارہ ودیا بالن نے اُنہیں بھارت سے خصوصی طور پر کال کر کے اُن کی اداکارانہ صلاحیتوں کی تعریف کی تھی۔‘