بولی وُڈ کے بادشاہ شاہ رخ خان کے بیٹے آریان خان نے مبینہ طور پر معروف ہدایت کار اور فلم ساز کرن جوہر نے اپنی ایکشن فلم میں سائن کرلیا ہے۔
فلمی نقاد عمیر سندھو کے مطابق آریان خان ایکشن فلم “مسالہ” میں نظر آئیں گے۔
BREAKING NEWS: King Khan #ShahRukhKhan’s son #AryanKhan signed #KaranJohar’s film ! It’s full on Action Masala film ! It will direct by Karan himself. Shoot will start in October 🔥♥️
— Umair Sandhu (@UmairSandu) June 20, 2022
تاہم، ابھی تک یہ واضح نہیں ہے کہ وہ بطور ہیرو باقاعدہ اداکاری کریں گے یا فلم میں ان کا صرف کوئی کیمیو ہوگا۔
ساتھ ہی یہ افواہیں بھی گردش کر رہی ہیں کہ فلم کی شوٹنگ اکتوبر میں شروع ہو گی۔
خیال رہے کہ کرن نے اپنی 50 ویں سالگرہ کے موقع پر اپنے فالوورز کے ساتھ اپنے آنے والے پروجیکٹس کے بارے میں ایک اپ ڈیٹ شیئر کی تھی۔
انہوں نے اعلان کیا تھا کہ وہ اپنی ایکشن فلم کی شوٹنگ 2023 میں شروع کریں گے۔
اپنی پوسٹ میں انہوں نے لکھا کہ، ” میں اپنی ایکشن فلم کی شوٹنگ اپریل 2023 میں شروع کروں گا۔ آپ کی دعاؤں اور محبتوں کی ضرورت ہے۔”
— Karan Johar (@karanjohar) May 25, 2022
کرن بطور ہدایت کار چھ سال بعد عالیہ بھٹ اور رنویر سنگھ کی فلم ‘راکی اور رانی کی پریم کہانی’ کے زریعے واپسی کر رہے ہیں۔
ان کی آخری فلم ‘اے دل ہے مشکل’ تھی جس میں رنبیر کپور اور انوشکا شرما نے اداکاری کی تھی۔
دریں اثنا، مئی میں نارکوٹکس کنٹرول بیورو (NCB) نے آریان خان کو ڈرگ آن کروز کیس میں کلین چٹ دے دی تھی۔
انہیں 3 اکتوبر 2021 کو اس وقت گرفتار کیا گیا تھا، جب NCB کی ایک ٹیم نے کورڈیلیا کروز جہاز پر منشیات کی مبینہ پارٹی کا پردہ فاش کیا جو 2 اکتوبر کو بیچ سمندر میں گوا جا رہا تھا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News