برطانیہ کے مشہور اداکار ڈیوڈ وارنر، جنہیں اپنے ولن کرداروں کے لیے بڑے پیمانے پر سراہا جاتا تھا، 80 برس کی عمر میں انتقال کر گئے۔

بی بی سی کی ایک رپورٹ کے مطابق، ان کے اہل خانہ نے تصدیق کی کہ وہ کینسر کی بیماری سے انتقال کر گئے۔

اداکار کے اہل خانہ نے بی بی سی کو ایک بیان میں  بتایا کہ ان کو ایک مہربان، فیاض، اور ہمدرد آدمی، ساتھی اور والد کے طور پر یاد کیا جائے گا، جس کے غیر معمولی کام کی میراث نے کئی سالوں میں بہت سے لوگوں کی زندگیوں کو چھو لیا ہے، ہم ’دل شکستہ‘ ہیں۔

 ڈیوڈ وارنر نے بینڈٹس (1981)، ٹائم آفٹر ٹائم (1979) اور ٹرون (1982) میں منفی کردار ادا کیے ہیں۔

ڈیوڈ وارنر کو 1997 کے بلاک بسٹر ٹائٹینک میں اسپائسر لیوجوائے کا کردار ادا کرنے کے لیے بھی جانا جاتا ہے۔