بالی وڈ اداکارہ شلپا شیٹھی کی انوکھے انداز میں یوگا کرنا مداحوں کی توجہ کا مرکز بن گیا۔

غیر ملکی خبررساں ادارے کے مطابق اداکارہ شلپا شیٹھی چند روز قبل فلم کی شوٹنگ کے دوران ان کی ٹانگ ٹوٹ گئی تھی اور وہ ویل چیئر پر آگئی تھیں۔

تاہم حال ہی میں اداکارہ شلپا نے ٹوٹی ہوئی ٹانگ کے ساتھ بیٹھے بیٹھے ورزش کرنے کی ویڈیو اپ لوڈ کی ہے جسے دیکھ کر مداح بےحد خوش ہوئے۔

ویڈیو میں اداکارہ  شلپا کو یہ جملہ کہتے ہوئے سنا جا سکتا ہے کہ پیر ٹوٹا ہے، ہمت نہیں، یوگا سے ہی ہوگا، چلیں کچھ ورزش کریں۔

انسٹاگرام پوسٹ پر شلپا شیٹھی نے ہمت بندھانے والی بات کہی، انہوں نے کہا کہ 10 دن تک آرام کرنے کے بعد مجھے احساس ہوا کہ ورزش نہ کرنے کا کوئی بہانہ ٹھیک نہیں۔

ان کا کہنا تھا کہ انجری کی وجہ سے مجھے چند ہفتے مزید آرام کرنا تھا لیکن کام نہ کرنے سے زنگ ہی لگتا ہے، اس لیے میں نے سوچا کہ چند ورزشیں معمول کے مطابق کروں۔

واضح رہے کہ شلپا شیٹھی اپنی فٹنس روٹین اور سوشل میڈیا پر یوگا ویڈیوز کی وجہ سے خاص شہرت رکھتی ہیں۔