پاکستان کی نامور اداکارہ عائشہ عمر نے اپنے مرحوم والد کیلئے جذباتی پیغام جاری کیا ہے۔

اداکارہ کی جانب سے فوٹو اینڈ ویڈیو شیئرنگ ایپ انسٹاگرام پر اپنے مرحوم والد کی ایک تصویر شیئر کی گئی ہے۔

 

Advertisement

Advertisement

View this post on Instagram

Advertisement

Advertisement

Advertisement

Advertisement

 

A post shared by Ayesha Omar (@ayesha.m.omar)

Advertisement

تصویر شئیر کرتے ہوئے انہوں نے اپنے مرحوم والد کے لیے  جذباتی پیغام بھی لکھا کہ جب وہ 2 سال کی بھی نہیں ہوئی تھیں، ان کے والد کا انتقال ہوگیا تھا جس کے بعد اُنہیں اور ان کے بھائی عزیز عمر کو ان کی والدہ نے اکیلے ہی پالا۔

اداکارہ نے لکھا کہ والد کے انتقال کے بعد ان کی والدہ نے دوسری شادی بھی نہیں کی اور تمام تر مشکلات کے باوجود اپنی پوری زندگی ہماری پرورش کے لیے وقف کردی۔

عائشہ عمر نے لکھا کہ والدہ چاہتی تھیں ہم بہترین تعلیم حاصل کریں، پوری دنیا کا سفر کریں اور اپنی سوچ کو وسیع کریں لیکن والدہ میرے لیے بہت خوفزدہ بھی رہتی تھیں کیونکہ ان کی ایسی پراعتماد چھوٹی بیٹی جس کے سر پر باپ کا سایہ نہیں تھا، اپنے اردگرد موجود ہر فرد کے ساتھ بات چیت کرنا چاہتی تھی اور پوری دنیا کی سیر کرنا چاہتی تھی۔

انہوں نے لکھا کہ اس خیال نے والدہ کو خوفزدہ کردیا کہ ان کی بیٹی کی حفاظت کے لیے باپ نہیں ہے۔

اداکارہ نے لکھا کہ جب میں نے اپنی تعلیم مکمل کرلی تو اپنی فیملی کو سپورٹ کرنا شروع کردیا لیکن وہ خود بھی اپنے آس پاس موجود لوگوں سے خوفزدہ تھیں، جن میں سے کچھ لوگوں نے ہمیشہ مدد کی اور کچھ تکلیف کا باعث بنے۔

عائشہ عمر نے لکھا کہ اللّٰہ نے ہمیشہ ان کی حفاظت کی اور پھر آہستہ آہستہ ان کے اندر موجود خوف کم ہونے لگا۔

اس سے قبل اداکارہ نے اپنے ایک انٹرویو میں بتایا تھا کہ بارہ سال پہلے جب میں  چھوٹی تھی، اس وقت فیس بک بھی نئی ایجاد ہوئی تھی، ہر کوئی اس میں شامل ہو رہا تھا، تو میں نے بھی اپنا اکاؤنٹ بنایا اور اپنی تصاویر اپ لوڈ کرنی شروع کر دیں۔

انہوں نے بتایا کہ میں اپنی دوست کے ساتھ چھٹیوں میں تھائی لینڈ گئی ہوئی تھی ،وہ تصاویر اس لیے لیک ہوئیں کہ شاید میری پرائیویسی سیٹنگز آن نہیں تھیں اور کسی نے میری تصاویر لیپ ٹاپ سے چرائیں اور ایک دوسرے کو ای میل کرنا شروع کر دیں کیونکہ اس وقت واٹس ایپ کا زمانہ نہیں تھا، یہ اس وقت کا سب سے بڑا مسئلہ بن گیا تھا۔

عائشہ عمر نے کہا کہ مجھ سے صرف چھٹیوں کی تصاویر کے بارے میں پوچھا جاتا تھا۔

اداکارہ کا کہنا تھا کہ اس کے بعد یہ ایک بہت بڑا اسکینڈل بن گیا جس کا مجھ پر گہرا اثر ہوا، میں ذہنی صدمے میں تھی اور اہلخانہ بھی بہت پریشانی سے گزرے تھے۔

انہوں نے کہا کہ اب کوئی کچھ بھی کہے یا کتنی بھی تنقید کرے کوئی فرق نہیں پڑتا کیونکہ اب سن سن کر عادت ہو گئی ہے۔

واضح رہے کہ معروف اداکارہ عائشہ عمر اکثر سوشل میڈیا پر اپنی تصاویر اور ویڈیوز شیئر کرتی رہتی ہیں لیکن کئی بار انہیں اپنے لباس کے چناؤ کی وجہ سے تنقید کا سامنا کرنا پڑتا ہے۔