آن لائن اسٹریمنگ پلیٹ فارم نیٹ فلکس بلا شبہ دنیا کا مقبول اسٹریمنگ پلیٹ فارم ہے جس کی مقبولیت میں تیزی سے اضافہ ہوتا جا رہا ہے۔

بدلتے زمانے میں صارفین اور فلم بِین سینما سے زیادہ نیٹ فلکس پر فلمیں دیکھنا پسند کرتے ہیں لہٰذا اب نیٹ فلیکس کی جانب سے اشتہارات پر مبنی ایک سستا پیکج متعارف کرانے کا اعلان کیا گیا ہے۔

اشتہارات پر مبنی یہ پیکج ابتدائی طور پر صرف12 ممالک میں دستیاب ہوگا جس میں آسٹریلیا، برازیل، کینیڈا، فرانس، جرمنی، اٹلی، جاپان، کوریا، اسپین، برطانیہ اور امریکا میں شامل ہیں۔

یہ بھی پڑھیں: نیٹ فلیکس نے سبسکرپشن فیس میں اضافہ کر دیا

کمپنی نے اسے بیسک ود ایڈز کا نام دیا ہے اور یہ نومبر سے دستیاب ہوگا۔

کمپنی کے مطابق اس پیکج کو لینے والے افراد 720 پکسل/ ایچ ڈی ویڈیو دیکھ سکیں گے جبکہ ہر گھنٹے 4 سے 5 منٹ کے اشتہارات دکھائے جائیں گے، اسی طرح یہ صارفین ایپ سے ویڈیو کو ڈاؤن لوڈ نہیں کرسکیں گے جبکہ انہیں محدود فلموں اور ٹی وی شوز تک رسائی حاصل ہوگی۔

یہ بھی پڑھیں: نیٹ فلیکس پر ریلیز ہونے والی پہلی پاکستانی فلم