سنیل شیٹی کی نوجوان اداکاروں کے لائف اسٹائل پر کڑی تنقید

ویب ڈیسک

24th Nov, 2022. 01:53 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

سنیل شیٹی کی نوجوان اداکاروں کے لائف اسٹائل پر کڑی تنقید

بھارت کے معروف اداکار سنیل شیٹی نے فلم انڈسٹری کے نوجوان اداکاروں کے لائف اسٹائل پر کڑی تنقید کی ہے۔

حال ہی میں ایک انٹرویو کے دوران بھارتی اداکار سنیل شیٹی نے کہا ہے کہ آج کل کے نوجوان اداکاروں کے لائف اسٹائل نے ان کے مداحوں کو ان سے دور کر دیا ہے۔

انہوں نے کہا کہ بالی ووڈ کے نوجوان اداکار اپنا ایسا طرز زندگی دکھاتے ہیں جس کو دیکھ کر ان کے مداح ان سے دوری اختیار کر لیتے ہیں۔

سنیل شیٹی نے کہا کہ یہی وجہ ہے کہ اداکاروں کے شاہانہ طرز زندگی دیکھ کر مداحوں کا اب ان سے تعلق رکھنا مشکل ہو گیا ہے۔

اداکار کا کہنا ہے کہ نوجوان اداکاروں کو اپنے مداحوں کے قریب رہنے کی ضرورت ہے، مداحوں کو یہ محسوس نہیں ہونا چاہیے کہ جسے وہ پسند کرتے ہیں وہ انکی پہنچ سے بہت دور ہے۔

انہوں نے کہا کہ اب اداکار سوشل میڈیا پر اتنے ایکٹیو ہیں کہ ہر جگہ نظر آرہے ہوتے ہیں، اور انسانی فطرت ہے کہ جب ہم کسی چیز کو بہت بار دیکھتے ہیں تو اس سے تھک جاتے ہیں۔