پاکستانی کرکٹر شعیب ملک اور بھارتی ٹینس اسٹار ثانیہ مرزا کے درمیان علیٰحدگی کی خبریں سوشل میڈیا پر گردش کر رہی ہیں۔
تاہم ان کی طلاق کی وجہ پاکستانی اداکارہ عائشہ عمر کو کہا جارہا ہے اور یہ قیاس آرائیاں بھی جاری ہیں کہ وہ شعیب ملک سے شادی کرنے والی ہیں۔
انڈیا ٹائمز کے مطابق عائشہ عمر کا کہنا ہے کہ میں اور شعیب بہت اچھے دوست ہیں اور ہماری شادی کا سوال ہی پیدا نہیں ہوتا۔
انہوں نے کہا کہ شعیب شادی شدہ ہیں اور اپنی بیوی کے ساتھ بہت خوش ہیں، میں ان دونوں کی بہت عزت کرتی ہوں۔
اداکارہ نے کہا کہ میں اور شعیب اچھے دوست ہیں اور دوست ہی رہیں گے، اس طرح کا تعلق بھی دنیا میں پایا جاتا ہے۔
یاد رہے کہ عائشہ عمر اور شعیب ملک نے 2021 میں ایک فوٹو شوٹ کروایا تھا، جس کے بعد شعیب اور ثانیہ کے تعلق میں تلخی آنے کی خبریں گردش کرنے لگیں اور بتایا گیا کہ ثانیہ مرزا کو شعیب ملک کا یہ فوٹو شوٹ پسند نہیں آیا۔
اس فوٹو شوٹ کے بعد ایک انٹرویو میں شعیب ملک نے عائشہ عمر کی تعریف کرتے ہوئے کہا تھا کہ انہوں نے فوٹو شوٹ کے دوران میری بہت مدد کی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News