بالی ووڈ فلم انڈسٹری کی خوبصورت اور مشہور اداکارہ ہما قریشی نے کہا ہے کہ میں سوشل میڈیا کی شخصیت نہیں بلکہ میں ایک اداکارہ ہوں۔

حال ہی میں اپنے دیے گئے ایک انٹرویو میں اداکارہ ہما قریشی کا کہنا تھا کہ اداکاروں پر بہت دباؤ ہے کہ وہ زیادہ سے زیادہ کام حاصل کرنے کے لیے سوشل میڈیا فالوورز کی تعداد میں اضافہ کریں۔

انہوں نے کہا کہ میں سوشل میڈیا کی شخصیت نہیں ہوں، میں ایک اداکارہ ہوں اور میں اداکاری کرتی ہوں۔

یہ بھی پڑھیں: نڈر عورت کے بارے میں لوگ پہلے سے ہی رائے قائم کرلیتے ہیں، ہما قریشی

ان کا کہنا تھا کہ کبھی کبھی میں بھی سوشل میڈیا انفلوئینسر کی طرح برتاؤ کرتی ہوں، لیکن یہ میرا کام نہیں ہے۔

ہما قریشی نے کہا کہ اگر آپ کے ایک کروڑ فالوورز ہیں تو اس کا یہ مطلب نہیں کہ آپ سب کردار ادا کرسکتے ہیں۔

ان کا مزید کہنا تھا کہ اگر فلم اچھی ہوتی ہے تو یہ سوشل میڈیا فالوورز کی تعداد کا ذکر کرنے کی ضرورت ہی نہیں پڑتی، شائقین اسے خود ہی دیکھیں گے۔

یہ بھی پڑھیں: سوناکشی سنہا اور ہما قریشی کی لڑائی؛ ایک دوسرے پر تھپڑوں کی بارش کردی