بھارت کے معروف گلوکار سدھو موسے والا کے قتل کا ماسٹر مائنڈ امریکا میں گرفتار ہو گیا ہے۔
بھارتی میڈیا رپورٹس کے مطابق گلوکار سدھو موسے والا کے قتل کے ماسٹر مائنڈ گولڈی برار کو 20 نومبر کو امریکا میں گرفتار کر لیا گیا۔
دوسری جانب بھارتی پنجاب کے وزیر اعلیٰ بھگونت مان نے بھی سدھو موسے والا کے قتل کے مرکزی کردار کی گرفتاری کی تصدیق کرتے ہوئے بتایا کہ ایک ریاست کے سربراہ کی حیثیت سے میں آپ کو یہ ایک مصدقہ خبر دے رہا ہوں کہ گولڈی برار امریکا میں گرفتار ہوگیا ہے۔
بھارتی میڈیا کا کہنا ہے کہ بھارتی پنجاب کے لارنس بشنوئی گینگ سے تعلق رکھنے والا گولڈی برار حال ہی میں کینیڈا سے امریکا پہنچا تھا جہاں اس کو شدید خطرات لاحق تھے۔
واضح رہے کہ گولڈی برار نے سدھو موسے والا کے قتل کی ذمہ داری فیس بک پوسٹ کے ذریعے قبول کی تھی اور پھر وہ سیاسی پناہ حاصل کرنے کے لیے امریکا منتقل ہوگیا تھا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News