پاکستان شوبز انڈسٹری کی معروف اداکارہ ماہی بلوچ اکثر سوشل میڈیا پر متحرک نظر آتی ہیں اور اپنی نت نئی تصاویر شیئر کرتی رہتی ہیں لیکن کئی بار انہیں اپنے بولڈ انداز کی وجہ سے تنقید کا سامنا کرنا پڑتا ہے۔

حال ہی میں معروف اداکارہ نے اپنے انسٹاگرام اکاؤنٹ کا رخ کیا جہاں انہوں نے چند تصاویر اور ایک ویڈیو شیئر کی جسے دیکھنے کے بعد صارفین کی جانب سے ملے جلے ردعمل سامنے آئے۔

شیئر کی گئی تصاویر میں دیکھا جاسکتا ہے کہ اداکارہ نے جامنی رنگ کے ٹراؤزر سمیت انتہائی غیر مناسب لباس زیب تن کیا ہوا ہے۔

تصاویر میں یہ بھی دیکھ جاسکتا ہے کہ ماہی بلوچ نے اپنے بالوں کو کھلا چھوڑا ہوا ہے۔

اداکارہ کی یہ تصاویر اور ویڈیو سوشل میڈیا پر وائرل ہوئی تو صارفین کی جانب سے سخت تنقید دیکھنے کو ملی کسی نے ان کے لباس پر تنقید کی تو کسی نے ان کے اس انداز کو بے شرمی قرار دیا۔

واضح رہے کہ ماہی بلوچ نے ڈرامہ سیریل ’عشق ہے‘، ’الف اللہ اور انسان‘، ’لگاؤ‘ اور کئی مشہور ڈراموں میں اپنی اداکاری کے جوہر دکھائے۔