بھارت کے معروف اداکار شاہد کپور کا کہنا ہے کہ جب میں نے اپنے فلمی کیریئر کا آغاز کیا تو مجھے لوگوں کا میری تعریف کرنے کا طریقہ پسند نہیں آیا۔

 حال ہی میں بالی ووڈ کے معروف اداکار شاہد کپور نے ایک انٹرویو میں اپنے فلمی کیریئر کی ابتداء کے بارے میں بات کرتے ہوئے کہا کہ ’ مجھے اس بات سے نفرت تھی کہ لوگ میری تعریف کرتے ہوئے کہتے ہیں کہ میں بہت ’کیوٹ بوائے‘ ہوں ‘۔

یہ بھی پڑھیں؛ شاہد کپور کی اہلیہ کے جےپور میں سیر سپاٹے؛ تصاویر وائرل

انہوں نے کہا کہ ’ مجھے یہ لفظ کبھی پسند نہیں تھا لیکن وقت کے ساتھ اب میں نے لوگوں کے اس انداز کو قبول کرنا سیکھ لیا ہے ‘۔

شاہد کپور نے کہا کہ ’ مجھے’کیوٹ‘ لفظ اس لیے ناپسند ہے کیونکہ مجھے لگتا ہے کہ جو لوگ اس لفظ کا استعمال کرتے ہیں وہ تعریف کرتے ہوئے کنجوسی کرتے ہیں ‘۔

واضح رہے کہ شاہد کپور کو  کرائم تھرلر او ٹی ٹی سیریز ’فرضی‘ میں شاندار اداکاری کے جوہر دِکھانے پر دنیا بھر سے کافی پذیرائی مل رہی ہے۔