بالی ووڈ کے معروف کامیڈین کپل شرما نے اپنی پہلی تنخواہ کے حوالے سے انکشاف کیا ہے۔
حال ہی میں بالی ووڈ کے معروف کامیڈین نے اپنے ایک انٹرویو میں کہا کہ ’ انہوں نے اپنی پہلی نوکری آبائی شہر امرتسر میں کی تھی اور اس وقت ان کی عمر صرف 14 سال تھی ‘۔
یہ بھی پڑھیں: ایشوریہ رائے نے سلمان خان کی وجہ سے کپل شرما شو چھوڑ دیا؟ وجہ نے سب کو حیران کردیا
انہوں نے کہا کہ ’ وہ ایک پی سی او میں وقتی ملازمت کرتے تھے تاکہ وہ اپنا جیب خرچ نکال سکیں، اس وقت انہیں صرف 500 روپے ماہانہ ملا کرتے تھے ‘۔
کپل شرما نے کہا کہ ’ اس کے بعد وہ ایک گارمنٹ فیکٹری میں ملازمت کرنے لگے جہاں ان کی تنخواہ فقط 900 روپے تھی، اس وقت اتنی گرمی ہوتی تھی کہ دوسرے شہروں سے آئے مزدور اپنے علاقوں میں واپس چلے جاتے تھے ‘۔
کامیڈین نے کہ ’ وہ کام اپنے ذاتی اخراجات پورے کرنے کے لیے کرتے تھے اور اس سلسلے میں گھر والوں کی طرف سے کوئی تقاضہ نہیں تھا تاہم انہیں گھر سے پیسے مانگتے ہوئے شرم آتی تھی ‘۔
یہ بھی پڑھیں؛ کپل شرما کی والدہ نے بیٹے کے بچپن کے قصے سب کو بتا دئیے
بالی ووڈ کے معروف کامیڈین کپل شرما نے کہا کہ ’ تمام تر آن اسکرین کامیابیوں کے بعد بھی میں خود کو مڈل کلاس ہی سمجھتا ہوں ‘۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News