بالی ووڈ کے معروف اداکار امیتابھ بچن کی صحت سے متعلق افسوسناک خبر آگئی ہے۔

حال ہی میں بالی ووڈ کے معروف اداکار امیتابھ بچن نے اپنے بلاگ میں انکشاف کیا ہے کہ اچانک رات کے وقت ان کی طبعیت بگڑ گئی تھی اور انہیں شدید درد کا سامنا تھا۔

یہ بھی پڑھیں؛ امیتابھ بچن کیساتھ شوٹنگ کے دوران حادثہ، شدید زخمی

انہوں نے بلاگ میں لکھا ہے کہ ’ ان کی پسلیوں میں شدید درد اُٹھا جس کے بعد ان کے پیر کے انگوٹھے اور ہاتھ میں بھی شدید درد ہونے لگا جس کی وجہ سے فوری طور پر ڈاکٹرز کو  رات گئے ہی گھر پر بُلانا پڑگیا ‘۔

  امیتابھ بچن  نے بلاگ میں لکھا کہ ’ میری اُبھری ہوئی ہڈیوں اور جلد کے درمیان آبلے پڑ گئے ہیں، یہ بہت ہی عجیب بات ہے نہ کبھی پہلے ایسا سُنا نہ ہی تجربہ کیا تھا مگر اس کی وجہ سے شدید تکلیف میں مبتلا ہوں ‘۔

اداکار نے لکھا کہ ’ وہ جلد صحتیاب ہو کر کام پر جانا چاہتے ہیں ساتھ ہی انہوں نے مداحوں سے دعاؤں کی درخواست بھی کی ‘۔

یہ بھی پڑھیں:  کرینہ ، امیتابھ بچن کے قدموں میں گر کر کیوں روئی؟ بالآخر وجہ سامنے آگئی

واضح رہے کہامیتابھ بچن کئی سالوں سے مداحوں کو اپنی زندگی میں ہونے والے واقعات سے باخبر رکھنے کیلئے بلاگز لکھتے آرہے ہیں جنہیں دنیا بھر میں موجود ان کے مداح بےحد دلچسپی سے پڑھتے ہیں۔