یوٹیوب اسٹار اینابیل ہیم  22 سال کی عمر میں انتقال کر گئیں۔

 رپورٹس کے مطابق معروف یوٹیوبر جن  کا تعلق امریکی ریاست ایٹلانٹا  سے تھا گزشتہ ہفتے سے ایک پارٹی میں شرکت کے بعد سے لاپتہ تھیں جس کے بعد ان کی موت کی خبر ان کے گھروالوں کی جانب سے شیئر کی گئی۔

اہل خانہ نے یوٹیوبر کے انسٹاگرام ہینڈل پر دنیا کے ساتھ چونکا دینے والی خبر شیئر کی، انہوں نے لکھا ہم انتہائی افسوس اور دکھ سے مطلع کررہے ہیں کہ اینا بیل ہم سے دور جاچکی ہیں۔ ان کو مرگی کا عارضہ لاحق تھا۔ وہ کافی عرصے سے اس مرض کے خلاف جنگ کررہی تھیں اور لوگوں میں اس بارے میں آگہی پیدا کرنا چاہتی تھیں۔

رپورٹس کے مطابق ہفتہ کو لاپتہ ہونے سے قبل ہیم نے فیئر ہاپ میں ایک بیچلورٹ پارٹی میں شرکت کی تھی اور پیر کو ان کی بہن امیلیا نے ان کی موت کی خبر شیئر کی۔

خیال رہے کہ ان کے انسٹاگرام پر 70,000 سے زیادہ فالوورز اور 77,000 یوٹیوب سبسکرائبرز تھے جہاں انہوں نے 2014 میں اپنے طرز زندگی کے بارے میں ویڈیوز پوسٹ کرنا شروع کیں۔

اس کے علاوہ اینابیل اکثر کالج کی طالبہ کے طور پر اپنی روزمرہ کی زندگی کے بارے میں بلاگ کرتی تھیں اور میک اپ اور خوبصورتی کے مشورے دیتی تھیں۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/entertainment/2023/07/564450/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/entertainment/2023/07/564450/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں