بالی ووڈ کی اداکارہ اور ماہر ڈانسر نورا فاتیحی نے اسپورٹس ایکشن فلم ’کراک‘ سائن کر لی ہے جس میں ان کے مد مقابل ہیرو ودیوت جموال ہوں گے۔

 نورا فتحی اب تک فلم بٹلہ ہاؤس، اسٹریٹ ڈانسر، بھوج: دی پرائیڈ آف انڈیا میں کام کر چکی ہیں۔

 انہوں نے حال ہی میں آیوشمان کھرانہ کی فلم ایکشن ہیرو میں ایک مختصر کردار بھی ادا کیا ہے۔

نورا فا تیحی ممکنہ طور پر پہلی بار ودیوت جموال کے ساتھ  کا م کر رہی ہیں ، جوکہ بالی ووڈ میں اپنے ایکشن کی وجہ سے کافی شہرت رکھتے ہیں ،ودیوت  نے کمانڈو، سنک، خدا حافظ، اور آئی بی 71 جیسی فلموں میں اداکاری کی ہے۔

بھارتی میڈیا رپورٹس کے مطابق اس فلم کی ہدایت کاری آدتیہ دت کریں گے  جبکہ اس میں ارجن رامپال بھی ہیں۔

اس ایکشن اسپورٹس فلم کے حوالے سے قابل ذکر بات یہ بھی ہے کہ اسے ودیوت اپنے ہوم پروڈکشن، ایکشن ہیرو فلمز کے تحت پروڈیوس کریں گے۔ فلم کی ریلیز کی تاریخ کا اعلان جلد متوقع ہے۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/entertainment/2023/08/447102/amp/ کو لائک کریں

ٹوئٹر پر ہمیں فالو کریں https://www.bolnews.com/urdu/entertainment/2023/08/447102/amp/ اور حالات سے باخبر رہیں۔

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں