شاہ رخ خان نے کس کو بہترین اداکار قرار دیا؟

ویب ڈیسک

15th Apr, 2024. 03:15 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

شاہ رخ خان نے کس کو بہترین اداکار قرار دیا؟

بالی ووڈ کے کنگ شاہ رخ خان نے بھارتی پنجابی گلوکار دلجیت دوسانجھ کو بھارت کا ’بہترین اداکار‘ قرار دے دیا ہے۔

میڈیا رپورٹس کے مطابق فلمساز امتیاز علی نے انکشاف کیا کہ بالی ووڈ کے بادشاہ شاہ رخ خان نے دلجیت کو “ملک کا بہترین اداکار” قرار دیا ہے۔

حال ہی میں فلم امر سنگھ چمکیلا کی تشہیر کے لئے کپل شرما شو میں شرکت کے دوران امتیاز علی نے انکشاف کیا کہ اداکار شاہ رخ خان نے انہیں دلجیت کے بارے میں کیا کہا۔

انہوں نے بتایا کہ شاہ رخ خان نے ایک بار ان سے کہا تھا، ’’اگر کوئی ایسا شخص ہے جو میرے خیال میں ملک کا بہترین اداکار ہے تو وہ دلجیت دوسانجھ پاجی ہیں۔‘‘

ہدایت کار نے مزید کہا کہ اگر دلجیت اس کردار سے انکار کر دیتے تو شاید یہ فلم کبھی نہ بنتی۔ ہم بہت خوش قسمت رہے ہیں۔ ہمارے پاس اس سے بہتر کاسٹ نہیں ہو سکتی تھی۔”

دلجیت دوسانجھ ایک باصلاحیت فنکار ہیں جو اپنی خوبصورت موسیقی، دلکش پرفارمنس اور متاثر کن اداکاری کے لیے مشہور ہیں اور حال ہی میں بائیوپک ’امر سنگھ چمکیلا‘ میں مرکزی کردار ادا کرتے ہوئے نظر آئے۔

امر سنگھ چمکیلا، جس میں دلجیت دوسانجھ اور پرینیتی چوپڑا نے اداکاری کی ہے، رواں ماہ 12 اپریل کو ریلیز ہوئی تھی۔