ہمارے معاشرے میں لوگ سوشل میڈیا پر بہت جلدی غصے میں آ جاتے ہیں، عمران ہاشمی

ویب ڈیسک

13th Jul, 2024. 08:25 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ہمارے معاشرے میں لوگ سوشل میڈیا پر بہت جلدی غصے میں آ جاتے ہیں، عمران ہاشمی

بالی ووڈ فلم انڈسٹری کے مشہور و معروف اداکار عمران ہاشمی نے کہا ہے کہ ہمارے معاشرے میں لوگ سوشل میڈیا پر بہت جلدی غصے میں آ جاتے ہیں۔

ماضی میں عمران ہاشمی نے ایک شو میں ایشوریا رائے کو ’پلاسٹک‘ کہہ کر مخاطب کیا تھا جس کے بعد ان پر کڑی تنقید کی گئی تھی۔

اب حال ہی میں اپنے دیے گئے ایک انٹرویو میں معروف اداکار عمران ہاشمی کا کہنا تھا کہ میں اپنے الفاظ پر بہت شرمندہ ہوں، یہ کہنا چاہتا ہوں کہ میں ایشوریا رائے کی بے حد عزت کرتا ہوں۔

انہوں نے کہا کہ اگر آپ میرے بیان کو شو سے ہٹ کر لیں تو یہ بالکل بھی ٹھیک نہیں تھا، ہمارے معاشرے میں لوگ سوشل میڈیا پر بہت جلدی غصے میں آ جاتے ہیں۔

ان کا کہنا تھا کہ ایشوریا رائے کو پلاسٹک کہنا شو میں ایک لطیفہ تھا لیکن لوگ اسے غلط لے لیتے ہیں، آج ہمارا معاشرہ ایسا ہوگیا ہے جہاں آپ اس طرح کی کوئی بات نہیں کر سکتے۔

عمران ہاشمی نے بتایا کہ ’ہم دل دے چکے صنم‘ فلم کی شوٹنگ کے دوران میں باہر ایشوریا رائے کا دیدار کرنے کے لئے تین گھنٹے کھڑا رہا تھا۔

اداکار نے کہا کہ میں ان کا بہت بڑا فین ہوں، میں ان سے ملاقات کرنا چاہتا ہوں لیکن آج تک نہیں ہو پائی۔