بالی ووڈ کی معروف اداکارہ انوشکا شرما کا ایک پرانا انٹرویو وائرل ہے جس میں انہیں رنویر کیلئے اپنی پسندیدگی کا اظہار کرتے دیکھا گیا۔

حال ہی میں بالی ووڈ کی معروف اداکارہ انوشکا شرما کا ایک پرانا انٹرویو سوشل میڈیا پر وائرل ہو گیا ہے جس میں  میزبان سمی گریوال نے انوشکا سے سوال کیا تھا کہ وہ رنویر سنگھ کے ساتھ ڈیٹ کیوں نہیں کررہیں؟

اس کے جواب میں انوشکا نے  کہا تھا کہ انہیں رنویر سنگھ  پسند ہیں لیکن وہ دونوں بہت مختلف انسان ہیں، جو لوگ ہمیں جانتے ہیں وہ سمجھ سکتے ہیں کہ ہم دونوں دو مختلف لوگ ہیں۔

انوشکا شرما کا کہنا تھا کہ ہمارے درمیان ایک مشکل تعلق قائم ہے، ہم ایک دوسرے کو قتل کرسکتے ہیں، میں سنجیدہ ہوں، میں رنویر کا سر قلم کرسکتی ہوں، اگر ہمارے درمیان کبھی کوئی رشتہ قائم ہوا تو ہم زندگی کو  دو  مختلف زاویوں سے دیکھیں گے۔

بالی ووڈ اداکارہ کا کہنا تھا کہ میں مکمل طور impractical ہوں اور وہ practical لیکن میں رنویر کو پسند کرتی ہوں کیوں کہ وہ پرکشش ہے۔

اداکارہ کا کہنا تھا کہ ابھی ایک اداکار کے ساتھ رشتے میں رہنا میرے لیے تھوڑا مشکل ہے، میں رنویر میں کشش محسوس کرتی تھی لیکن بس یہ صرف کشش تھی اور میں نے سوچا، یہ لڑکا اچھا انسان ہے اور یہ بات یہی ختم ہوجائے۔