معروف افسانہ نگار اشفاق احمد کی 20 ویں برسی

ویب ڈیسک

07th Sep, 2024. 02:25 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

معروف افسانہ نگار اشفاق احمد کی 20 ویں برسی

معروف افسانہ نگار، ادیب، استاد اور دانشور اشفاق احمد کی 20 ویں برسی آج منائی جارہی ہے۔

اشفاق احمد 22 اگست 1925 کو ہندوستان کے صوبے اترپردیش میں پیدا ہوئے، تقسیم کے بعد ہجرت کرکے لاہور آ گئے اور گورنمنٹ کالج لاہور سے اردو ادب میں ماسٹرز کرنے کے بعد اٹلی، فرانس اور نیویارک کی یونیورسٹیوں سے بھی اعلیٰ تعلیم حاصل کی۔

انہوں نے اپنے افسانے گڈریا سے غیر معمولی شہرت حاصل کی۔

اس کے علاوہ بے شمار ٹی وی ڈرامے بھی لکھے جن میں ایک محبت سو افسانے، منچلے کا سودا، طوطا کہانی، اچے برج لاہور دے، زاویہ قابل ذکر ہیں۔

انہوں نے 1965 میں ریڈیو پاکستان سے فیچر پروگرام تلقین شاہ کے نام سے شروع کیا جو تین دہائیوں تک عوام میں بے حد مقبول رہا۔

اشفاق احمد نے جہاں صوفی اور دانا کی حیثیت سے خاصی شہرت پائی وہیں ان کی نصیحتوں اور حکایتوں نے انہیں ہر خاص وعام میں مقبول بنا دیا۔

ادبی خدمات کے اعتراف میں اشفاق احمد کو صدارتی تمغہ برائے حسن کارکردگی اور ستارہ امتیاز سے نوازا گیا۔

7 ستمبر 2004 کو اشفاق احمد اس دنیا سے رخصت ہوگئے۔