ایک ہدایتکار نے مجھے ’جنسی غلام‘ کے طور پر تیار کیا، اداکارہ سومیا

ویب ڈیسک

06th Sep, 2024. 01:50 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ایک ہدایتکار نے مجھے ’جنسی غلام‘ کے طور پر تیار کیا، اداکارہ سومیا

ملیالم فلم انڈسٹری کی معروف اداکارہ سومیا نے کہا ہے کہ ایک ہدایتکار نے مجھے ’جنسی غلام‘ کے طور پر تیار کیا۔

حال ہی میں اپنے دیے گئے ایک انٹرویو میں معروف اداکارہ سومیا نے ہدایتکار کی شناخت ظاہر کیے بغیر بتایا کہ انہیں ہدایتکار نے ’جنسی غلام‘ کے طور پر تیار کیا۔

انہوں نے کہا کہ یہ شخص اپنی بیوی کے ساتھ مجھ سے ملا تھا، یہ مجھے اس طرح ذہنی اذیت دیتا تھا کہ دنیا کے سامنے مجھے اپنی بیٹی ظاہر کرتا تھا جبکہ دوسری جانب مجھ سے جنسی تعلق رکھتا۔

ان کا کہنا تھا کہ وہ اس ہدایتکار کا نام کیرالہ حکومت کی جانب سے تشکیل دی گئی خصوصی پولیس ٹیم کو بتائیں گی، جو ملیالم فلم انڈسٹری میں جنسی زیادتی کے کئی کیسز کی تحقیقات کر رہی ہے۔

سومیا نے کہا کہ ہدایتکار نے مجھے جنسی زیادتی کا نشانہ بنایا اور ایک سال تک ان کا استحصال جاری رکھا۔

معروف اداکارہ کا کہنا تھا کہ یہ زیادتیاں ملیالم فلم انڈسٹری میں بھی جاری رہیں، جہاں کئی ہدایتکار، اداکار اور تکنیکی ماہرین نے ان کا استحصال کیا۔

انہوں نے مزید کہا کہ انہیں اس ’شرم‘ سے نکلنے اور اپنی زندگی کو سنبھالنے میں 30 سال لگ گئے۔