سلمان خان کے والد کو جان سے مارنے کی دھمکی
بالی ووڈ کے معروف اداکار سلمان خان کے والد سینئر اسکرین رائٹر سلیم خان کو جان سے مارنے کی دھمکی موصول ہوئی ہے۔
بھارتی میڈیا رپورٹس کے مطابق بالی ووڈ کے معروف اداکار سلمان خان کے والد سینئر اسکرین رائٹر سلیم خان معمول کے مطابق صبح کی سیر کیلئے پارک میں موجود تھے، وہاں اچانک موٹر سائیکل پر سوار ایک عورت اور مرد انکے قریب آئے، عورت نے سلیم خان کو جان سے مارنے کی دھمکی دی۔
سلیم خان کو دھمکی دیتے ہوئے ملزم نے یہ بھی کہا کہ ’لارنس بشنوئی کو بلاؤں کیا‘؟ دھمکی دینے کے بعد دونوں وہاں سے چلے گئے۔
بعد ازاں سلیم خان نے باندرہ پولیس اسٹیشن میں شکایت درج کروائی جس کے بعد پولیس نے کچھ مشتبہ افراد کو پوچھ گچھ کے لیے حراست میں لے لیا۔
واضح رہے کہ سلمان خان اور ان کے والد کو اس سے قبل 2022 میں بھی دھمکی آمیز خط موصول ہوا تھا جس میں لکھا ہوا تھا کہ ‘ موسے والا جیسا کر دوں گا’۔
Advertisement
Advertisement
Advertisement
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
