رنویر سنگھ سے مشابہت کا میری پیشہ ورانہ زندگی پر کوئی منفی اثر نہیں پڑا، حماد شعیب
پاکستان کے معروف اداکار و ماڈل حماد شعیب کا کہنا ہے کہ رنویر سنگھ سے مشابہت کا میری پیشہ ورانہ زندگی پر کوئی منفی اثر نہیں پڑا۔
حال ہی میں پاکستان کے معروف اداکار و ماڈل حماد شعیب نے نجی ٹی وی چینل کے شو میں شرکت کی جہاں انہوں نے بھارتی اداکار رنویر سنگھ سے مشابہت کے بارے میں گفتگو کی۔
انہوں نے کہا کہ ’جب مختلف بلاگز میں میری شکل کی مماثلت بھارتی اداکار سے ظاہر کی گئی تو میں نے سوچا کہ دنیا میں کئی افراد ایک جیسے نظر آ سکتے ہیں۔ اس لیے میرے جیسا نظر آنے والا کوئی اور بھی ہو سکتا ہے‘۔
اداکار نے کہا کہ ’میں نے کبھی کسی کو کاپی نہیں کیا اور نہ ہی اس کی کوشش کی۔ میں نے اپنی محنت سے انڈسٹری میں جگہ بنائی ہے، اس لیے اس مشابہت کا میری پیشہ ورانہ زندگی پر کوئی منفی اثر نہیں پڑا۔‘
یاد رہے کہ اداکار حماد شعیب کے مشہور ڈراموں میں ’کیسی تیری خود غرضی‘، ’رازِ الفت‘ اور ’عشق ہے‘ شامل ہیں۔
Advertisement
Advertisement
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
