پاکستان شوبز انڈسٹری میں سلمیٰ حسن کا نام کسی تعرف کا محتاج نہیں، انہوں نے اپنی اداکاری کاآغاز پی ٹی وی کے ڈرامے دھوپ میں ساون سے کیا تاہم ان کی وجہ شہرت سٹ کام سب سیٹ ہے بنا۔

 سلمیٰ حسن نے بہت سے ڈراموں میں لازوال کردار ادا کیے ہیں، ان کے مشہور ڈراموں میں خانی، دو بول، پیار کے صدقے اور پری ذات شامل ہیں۔

سلمیٰ حسن نہ صرف اپنی اداکاری بلکہ اپنی ذاتی زندگی کی وجہ سے بھی اکثر خبروں میں رہتی ہیں ان کی شادی ہدایتکارو پروڈیوسر اظفر علی سے ہوئی تھی ان کی ایک بیٹی بھی ہے، تاہم یہ شادی کامیاب نہیں ہوسکی  اور ان دونوں کے درمیان طلاق ہوگئی۔

سلمیٰ حسن نے اپنی طلاق کے بعد اپنی زندگی اپنی بیٹی فاطمہ کے لیے وقف کر دی ہے، اور یہی وجہ ہے کہ وہ اپنی پوری توجہ اپنی بیٹی پر مرکوز رکھتی ہیں اوردوبارہ شادی نہیں کی۔

حال ہی میں سلمیٰ حسن کو ایک نجی ٹی وی کے شو میں مدعو کیا گیا جہاں انہوں دوبارہ شادی نہ کرنے حوالے سے کھل کر بات کی۔

شادی نہ کرنے کے سوال پر سلمیٰ حسن نے کہا کہ ایسا نہیں ہے کہ میں نے دوبارہ شادی کرنے کے بارے میں نہیں سوچا،  شاید میں نے کوشش ہی نہیں کی، انہوں نے کہا کہ طلاق کے بعد آپ کا بھروسہ ٹوٹتا ہے ایک رشتہ ٹوٹتا ہے یہ سب آپ کے حساس ہونے پر انحصار کرتا ہے آپ اس چیز کو قبول کرنے میں کتنا وقت لگاتے ہیں اور شاید میں بہت زیادہ حساس ہوں اس وجہ سے میں نے بہت زیادہ وقت لگادیا، اولاد اپنی جگہ ایسا نہیں ہے کہ میں نے بیٹی کی وجہ شادی نہیں کی۔

انہوں نے مزید یہ بھی کہا کہ میں آگے اس لیے نہیں بڑھی کے شاید میں خود تیار نہیں تھی، جب رشتہ ٹوٹتا ہے تو آپ کا اعتماد ٹوٹ چکا ہوتا ہے آپ کو احساس کمتری ہونے لگتا ہے کہ آپ ٹھیک نہیں ہیں کچھ کمی ہے، اس لیے ان جذبات کو ٹھیک کرنے میں وقت لگتا ہے۔ یہی وجہ ہے کہ میں نے کبھی دوبارہ شادی کرنے کا نہیں سوچا۔