معروف پاکستانی ماڈل، اداکارہ، بیوٹیشن اور کامیاب کاروباری خاتون نادیہ حسین کے گھر میں چوری کی واردات پیش آئی ہے۔

حال ہی میں اپنے دیے گئے ایک انٹرویو میں معروف پاکستانی ماڈل، اداکارہ و بیوٹیشن نادیہ حسین نے بتایا کہ امریکہ میں ان کے گھر میں چوری ہوئی جس میں ان کا سب کچھ لُٹ گیا۔

انہوں نے کہا کہ ہم نے گھر کے تمام کمرے اور دروازے بند کر دیئے تھے لیکن ایک دروازہ غلطی سے کھلا رہ گیا جو ہمارے کمرے کی بالکنی کا تھا۔

ان کا کہنا تھا کہ چور نے اسی راستے کا فائدہ اٹھایا اور سب کچھ لے اُڑا حتیٰ کہ میری پلاسٹک جیولری بھی لے گیا۔

نادیہ حسین نے کہا کہ ان کے کمرے میں کیمرے نہیں تھے، اس لیے چور آرام سے فرار ہو گیا کیونکہ وہ اس وقت امریکہ میں نہیں تھیں ان کے شوہر نے انہیں فون پر اس واقعے کی اطلاع دی، جس پر وہ بہت حیران ہوئیں۔

اداکارہ کا کہنا تھا کہ انہیں شک ہے کہ یہ چور ممکنہ طور پر کوئی جاننے والا تھا۔

انہوں نے ایک اور واقعہ کا ذکر کرتے ہوئے بتایا کہ ان کے شوہر نے ان کے لیے نئی گاڑی خریدی تھی لیکن ایک روڑ حادثہ پیش آنے کے بعد ان کے ناتجربہ کار ڈرائیور نے حادثے کے بعد گاڑی سڑک پر چھوڑ دی۔

ان کا کہنا تھا کہ یہ دونوں واقعات ان کے لیے بہت تکلیف دہ تھے جو وہ کبھی نہیں بھول سکیں۔