
جنس تبدیل کرکے لڑکی بننے والے بھارتی کرکٹر کی کہانی نے سب کو حیران کردیا
جنس تبدیل کرکے لڑکی بننے والے بھارتی کرکٹر کی کہانی نے سب کو حیران کردیا ہے۔
حال ہی میں معروف کرکٹ کوچ سنجے بنگر کے 23 سالہ بیٹے آریان بنگر جو اب عنایہ بنگر ہیں، انہوں نے انسٹاگرام پر ایک ریل کے ذریعے اپنی زندگی کی جذباتی تبدیلی کی کہانی شیئر کی۔
عنایہ بنگر نے کہا کہ بچپن سے انہیں کرکٹ سے محبت تھی، لیکن وہ ہمیشہ یہ سوال کرتی تھیں کہ وہ لڑکی کیوں پیدا نہیں ہوئیں۔
انہوں نے کہا “میں اپنی ماں کے کپڑے چھپ کر پہنتی تھی اور ہمیشہ سوچتی تھی کہ مجھے لڑکی کیوں نہیں بنایا گیا۔”
عنایہ نے کہا کہ انہوں نے سالوں تک دوہری زندگی گزاری۔ ایک زندگی کمرے میں اپنی حقیقی خواہشات کے ساتھ اور دوسری کرکٹ کے میدان پر بطور لڑکا۔
انہوں نے کہا “وقت کے ساتھ ساتھ، میں اس کھیل سے نفرت کرنے لگی جسے میں نے کبھی بہت چاہا تھا کیونکہ مجھے اپنی حقیقت چھپانی پڑتی تھی۔”
انہوں نے کرکٹ سے وقفہ لے کر یو کے کا رخ کیا تاکہ وہ اپنے آپ کو تسلیم کروا سکیں اور وہاں اپنے قریبی دوستوں کی حمایت حاصل کی۔
عنایہ نے ہارمونی علاج شروع کرنے کے لیے ماہرین نفسیات سے مشورے کیے اور دوبارہ کرکٹ کھیلنے کی خواہش کا اظہار کیا۔
عنایہ کا کہنا ہے کہ ہارمونی تبدیلی کے بعد انہیں کئی مشکلات کا سامنا کرنا پڑا، جیسے کہ پرانے دوستوں کی دوری اور رہنے کیلئے مشکلات لیکن اس سب کے باوجود ان کے جسم میں آنے والی تبدیلیوں نے انہیں وہ سکون اور خوشی دی جو پہلے کبھی نہیں ملی تھی۔
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News