نجومی نے بالی ووڈ کے معروف اداکار شاہ رخ خان اور سلمان خان کی موت سے متعلق خوفناک پیشگوئی کردی۔

بالی ووڈ کے دو بڑے ستارے شاہ رخ خان اور سلمان خان کے بارے میں مشہور نجومی سشیل کمار سنگھ نے ان کی موت کی پیشگوئی کر کے سب کو حیران کر دیا ہے۔

حال ہی میں دیے گئے ایک انٹرویو میں سشیل کمار سنگھ نے کہا کہ شاہ رخ خان کا وقت تو ٹھیک چل رہا ہے لیکن سلمان خان کے لیے 2025، 2026 اور 2027 بہت خراب سال ہوں گے۔

انہوں نے دعویٰ کیا کہ دونوں اداکاروں میں ایک مماثلت ہے، سلمان خان کو جلد ہی ایک بہت بڑی بیماری کی تشخیص ہوگی، جس کا نام نہیں لیا جاتا، یہ بیماری لاعلاج ہوگی اور ان کا انجام بہت برا ہوگا۔

سشیل کمار نے پیشگوئی کی کہ شاہ رخ خان اور سلمان خان دونوں کا انتقال ایک ہی سال میں ہوگا اور وہ 67 سال کی عمر میں اس دنیا کو چھوڑ جائیں گے۔

اس پیشگوئی کے بعد سوشل میڈیا پر مداحوں نے نجومی کے بیان کو غیر سنجیدہ اور بے بنیاد قرار دیا جبکہ کچھ نے طنزاً پوچھا کہ کیا وہ اپنی موت کی تاریخ بھی بتا سکتے ہیں؟

ایک صارف نے لکھا کہ یہ انتہائی غیر ذمے دارانہ حرکت ہے، کسی کی زندگی کے بارے میں اس طرح کی بات کرنا کسی بھی طرح مناسب نہیں، خدا کا خوف کریں۔

یاد رہے کہ اب تک سلمان خان اور شاہ رخ خان نے اس معاملے پر کوئی ردِعمل نہیں دیا اور دونوں اپنی آنے والی فلموں کی تیاریوں میں مصروف ہیں۔