رنویر سنگھ کے ساتھ ’ڈان 3‘ میں کون سی ہیروئن جلوہ گر ہوں گی؟

ویب ڈیسک

23rd Apr, 2025. 12:13 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

رنویر سنگھ کے ساتھ ’ڈان 3‘ میں کون سی ہیروئن جلوہ گر ہوں گی؟

بالی ووڈ کی ایکشن فلم ’’ڈان 3‘‘ میں رنویر سنگھ کے ساتھ مرکزی کردار نبھانے والی اداکارہ کا نام سامنے آگیا۔

بھارتی میڈیا رپورٹ کے مطابق اداکارہ کیارا ایڈوانی کے انکار کے بعد کریتی سینن کو فلم ’ڈان 3‘ میں مرکزی کردار کے لیے منتخب کیا گیا جو پہلی مرتبہ رنویر سنگھ کے ساتھ اداکاری کے جوہر دکھائیں گی۔

اس سے قبل فلم میں کیارا اڈوانی کو مرکزی اداکارہ کے طور پر کاسٹ کیا گیا تھا لیکن اپنے حمل کی وجہ سے وہ اس پروجیکٹ سے الگ ہو گئیں۔

اب بھارتی میڈیا کا کہنا ہے کہ کریتی سینن ’ڈان 3‘ میں مرکزی کردار کے لیے سب سے مضبوط امیدوار ہیں اور وہ جلد ہی معاہدے پر دستخط کرنے والی ہیں۔

سال 2024 میں بھارتی میڈیا نے خبر دی تھی کہ رنویر سنگھ کو ’ڈان‘ فرنچائز کے تیسرے ڈان کے طور پر کاسٹ کیا گیا ہے، جو امیتابھ بچن اور شاہ رخ خان کے بعد یہ کردار نبھائیں گے۔

اس کے بعد فلم ’ڈان 3‘ کا باضابطہ اعلان کیا گیا جس میں فرحان اختر ایک دہائی بعد بطور ہدایتکار واپسی کریں گے۔

بھارتی کے ذرائع کے مطابق فلم کا اسکرپٹ مکمل ہو چکا ہے اور ایکشن مناظر کے لیے بین الاقوامی اسٹنٹ ٹیم کے ساتھ مشاورت جاری ہے، تاہم شوٹنگ کا آغاز اکتوبر یا نومبر 2025 میں متوقع ہے۔