ممبئی: بالی ووڈ اسٹار دیپیکا پڈوکون نے اب تک شاہ رخ خان کی نئی آنے والی فلم ’’کنگ‘‘ کے لئے ’’ہاں‘‘ کیوں نہیں کی؟ اس کی وجہ سامنے آگئی۔

دراصل دیپیکا اپنے گھر ننھے مہمان کے آمد کی وجہ سے فلمی دنیا سے دور ہیں جس کی وجہ سے انہوں نے اب تک فلم کے لئے حامی نہیں بھری ہے ۔

کیا دیپیکا پڈوکون نئی فلم ’’کنگ‘‘ میں شاہ رخ خان کے ساتھ پھر سے دکھائی دینے والی ہیں؟ یہ سوال مداحوں کی جانب سے بار بار پوچھا جارہا ہے جس کے جواب میں فلم انتظامیہ نے بتایا ہے کہ اداکارہ سے بات چیت جاری ہے۔

دیپیکا پڈوکون اور شاہ رخ خان اس سے قبل اوم شانتی اوم ، چنئی ایکسپریس، ہیپی نیو ایئر، پٹھان اور جوان جیسی بلاک بسٹر فلموں میں ایک ساتھ کام کر چکے ہیں، مداح انہیں ایک بار پھر جاندارکہانی کے ساتھ کام کرتا دیکھنا چاہتے ہیں۔

شاہ رخ کی نئی فلم ’’کنگ‘‘ کے حوالے سے باز گشت عام ہے کہ اس میں دیپیکا پڈوکون ہی شاہ رخ خان کے ساتھ دکھائی دینے والی ہیں مگر اداکارہ نے فی الحال فلم کے لئے اب تک’’ہاں‘‘ نہیں کی ہے۔

واضح رہے کہ فلم ’’ کنگ‘‘ میں ابھیشیک بچن ، ارشد وارثی، جے دیپ، ابھے ورما، سہانہ خان بھی مرکزی کرداروں میں شامل ہیں اور امید کی جا رہی ہے کہ دیپیکا پڈوکون اپنی ذارتی مصروفیات سے فارغ ہوتے ہی فلم کے لئے اپنی موجودگی ظاہر کردیں گے۔