معروف اداکارہ مہرالنسا اقبال برطانیہ میں رشتہ ازدواج میں منسلک

ویب ڈیسک

15th Apr, 2025. 12:17 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

معروف اداکارہ مہرالنسا اقبال برطانیہ میں رشتہ ازدواج میں منسلک

پاکستان کی معروف اداکارہ مہرالنسا اقبال برطانیہ میں رشتہ ازدواج میں منسلک ہو گئیں۔

فوٹو اینڈ ویڈیو شیئرنگ پلیٹ فارم انسٹاگرام پر اداکارہ مہرالنسا اقبال کے نکاح کی مختلف ویڈیوز اور تصاویر سوشل میڈیا پر وائرل ہوگئی ہیں۔

اداکارہ کی شادی کی مختصر تقریب کا اہتمام برطانیہ کی پہلی مسجد میں کیا گیا جس میں سابق گورنر پنجاب سلمان تاثیر کے بیٹے شہباز تاثیر اور بہو نیہا تاثیر سمیت قریبی عزیزوں اور دوست احباب نے شرکت کی۔

سوشل میڈیا پر وائرل تصاویر میں مہرالنسا کو سرخ لہنگے میں دیکھا جاسکتا ہے جس پر سُنہرا لیس ورک کیا گیا ہے جبکہ اداکارہ کے دولہا نے مسجد میں ہونے والے نکاح کے موقع پر سرمائی رنگ کے سوٹ کا انتخاب کیا۔

وائرل تصاویر اور ویڈیوز سے معلوم ہوتا ہے کہ ان کے نکاح کی مختصر تقریب کا اہتمام گزشتہ روز کیا گیا تھا اور ان کے دولہا میاں کا نام زکریا ہے۔

واضح رہے کہ سوشل میڈیا پر وائرل تصاویر و ویڈیوز کے کمنٹس میں تبصرہ کرتے ہوئے مداحوں، ساتھی فنکاروں اور دوست احباب کی جانب سے مبارکباد اور نیک خواہشات کا سلسلہ جاری ہے۔